செய்தி
 Audio
விடுதலைப் புலிகளின் பேச்சாளர் இளந்திரையனின் மனைவி, பிள்ளைகள் சுவீடனில் தஞ்சம்!
[ ஞாயிற்றுக்கிழமை, 07 ஏப்ரல் 2013, 04:35.45 PM GMT ] [ பி.பி.சி ]

விடுதலைப் புலிகளின் பேச்சாளராக இருந்த இராசையா இளந்திரையனின் மனைவி, பிள்ளைகளுக்கு சுவீடன் அவர்களுக்கு தஞ்சம் வழங்கியுள்ளது என்று அவர்களுடன் படகில் சென்றிருந்த இலங்கைத் தமிழ்ப் பெண் லோகினி ரதிமோகன் தெரிவித்துள்ளார்.

யுத்தத்தின் இறுதிக் கட்டத்தில் இலங்கை இராணுவத்திடம் சரணைந்த இளந்திரையன் உயிரோடு இருக்கிறாரா இல்லையா என்றே தமக்குத் தெரியாது என இளந்திரையன் குடும்பத்தார் தன்னிடம் கூறியதாக லோகினி தெரிவித்தார்.

துபாயில் ஐநா அகதிகள் உதவியமைப்பின் (யு என் எச் சி ஆர் )பொறுப்பில் இருந்துவரும் இலங்கைத் தமிழர்களில் லோகினியும் ஒருவர்.

தமிழகத்திலிருந்து அவுஸ்திரேலியாவுக்கு தப்பிச் செல்ல முயன்ற போது, சிங்கப்பூர் கடற்படையால் காப்பாற்றப்பட்டு துபாயில் தற்போது ய.என்.எச்.சி.ஆர் பொறுப்பில் இருக்கும் 19 இலங்கைத் தமிழர்களை மீண்டும் இலங்கைக்கு திருப்பி அனுப்பக் கூடாது என்று மனித உரிமைகள் கண்காணிப்பகம் கடந்த சனிக்கிழமை கோரியிருந்த நிலையிலே, லோகினி ரதிமோகன் இவ்வாறு தெரிவித்துள்ளார்.

விடுதலைப் புலிகள் நடத்திவந்த தொலைக்காட்சியில் செய்திவாசிப்பாளராக தான் பணியாற்றி வந்தவரென்றும், யுத்தம் முடிவடைவதற்கு முன்னால் தான் இந்தியாவுக்குத் தப்பிச் சென்றிருந்ததாகவும் அவர் தெரிவித்தார். தனது கணவர் இந்தியாவில் இருந்துவருவதாக அவர் குறிப்பிட்டார்.

இந்தியாவில் பிழைக்க வழியில்லை என்பதாலும், எப்போது வேண்டுமானாலும் இலங்கைக்கு திருப்பி அனுப்பப்பட்டுவிடலாம் என்பதாலும் அங்கிருந்து கிளம்பி அவுஸ்திரேலியாவுக்குச் செல்ல முயன்றதாக அவர் தெரிவித்துள்ளார்.

அவுஸ்திரேலியா செல்லும் வழியில் படகு பழுதடைந்த வேளையில் ஐநா அகதிகள் உதவி அமைப்பை தொடர்புகொண்டபோது, சிங்கப்பூரில் இருந்து துபாய் செல்லும் ஒரு கப்பலால் காப்பாற்றப்பட்டு துபாய் வந்து சேர்ந்ததாக அவர் கூறினார்.

தான் வந்த படகில் இருந்த 46 பேரில் 39 பேரை அகதிகளாக யு.என்.எச்.சி.ஆர் அங்கீகரித்தது என்றும், ஏனையோர் 7 பேர் இலங்கைக்கு ஏற்கனவே அனுப்பப்பட்டுவிட்டார்கள் என்றும் அவர் குறிப்பிட்டுள்ளார்.

அகதியாக அங்கீகரிக்கப்பட்டவர்களில் பாதியளவானோருக்கு அமெரிக்கவும் சுவீடனும் அடைக்கலம் அளித்துள்ளது ஆனால் எஞ்சியுள்ள 19 பேர் இலங்கைக்கு திருப்பி அனுப்ப முயற்சிகள் நடப்பதாக அவர் தெரிவித்தார்.

இலங்கைக்கு தான் திருப்பி அனுப்பப்பட்டால், அங்கு தனது உயிருக்கு பாதுகாப்பு இல்லை என தான் அஞ்சுவதாக லோகினி கூறினார். இலங்கையில் வாழும் தமது குடும்பத்தாரும் தன்னை வர வேண்டாம் என்று அறிவுறுத்துவதாக அவர் கூறினார்.

Content of Popup
உங்கள் கருத்தை பதிவு செய்ய
பிந்திய 5 செய்திகள்
[ Saturday, 20-12-2014, 11:49.43 AM ]

எழுவைதீவு கடற்பரப்பில் மீன்பிடித்துக் கொண்டிந்த கடற்தொழிலாளர் சங்க உபதலைவரின் மரணத்திற்கு காரணமான கடற்படையினர் மீது நீதியான விசாரணை நடத்தப்பட்டு, தண்டனை வழங்கப்பட வேண்டுமென வடக்கு மாகாணசபை உறுப்பினர் விந்தன் கனகரத்தினம் தெரிவித்துள்ளார்.

[ Saturday, 20-12-2014, 11:33.29 AM ]
அகில இலங்கை மத்திய கிழக்கு தொழிலாளர் சங்க அமைப்பு இம்முறை ஜனாதிபதித் தேர்தலில் பொது வேட்பாளர் மைத்திரிபால சிறிசேனவுக்கு ஆதரவு வழங்க தீர்மானித்துள்ளது.
[ Saturday, 20-12-2014, 11:21.51 AM ]
நாட்டின் பெரும்பான்மை பிரஜைகளான பெண்களின் பிரச்சினைகளுக்கு தீர்வு காண மைத்திரிபால சிறிசேனவின் அரசாங்கத்தின் கீழ் துரித நடவடிக்கை எடுக்கப்படும் என எதிர்க்கட்சித் தலைவர் ரணில் விக்ரமசிங்க தெரிவித்துள்ளார்.
[ Saturday, 20-12-2014, 10:46.28 AM ]

பாதுகாப்பு செயலாளர் கோத்தபாய தலைமையில் மற்றுமோரு இராணுவ நடவடிக்கை ஒன்றை ஆரம்பித்துள்ளதாக தகவல்கள் வெளியாகியுள்ளன.

[ Saturday, 20-12-2014, 09:58.58 AM ]
ஜனாதிபதி தேர்தல் பிரசாரத்தின் ஒருகட்டமாக நேற்று மட்டக்களப்பு மாவட்டத்தில் நடைபெற்ற தேர்தல் பிரசாரக் கூட்டத்தில் கலந்து கொண்டவர்களுக்கு விநாயகர் உருவம் ஒருபுறமும் மறுபக்கத்தில மகிந்தவின் படமும் பிரசுரிக்கப்பட்டதானது இந்து மதத்தினை அவமதிக்கும் செயலாகும் என மட்டக்களப்பு பாராளுமன்ற உறுப்பினர் பா.அரியநேத்திரன் தனது கண்டணத்தினை தெரிவித்துள்ளார்.
[ Saturday, 20-12-2014 10:58:23 GMT ]
பெஷாவர் குழந்தைகள் படுகொலைக்கு காரணமாக இருந்த தெரிக் இ தலிபான் தீவிரவாத இயக்கத்தின் தலைவர் கொல்லப்பட்டுவிட்டதாக தகவல் ஒன்று வெளியாகியுள்ளது.
[ Saturday, 20-12-2014 08:27:13 GMT ]
இந்தியப் பிரதமர் நரேந்திர மோடியை பாலிவுட் சூப்பர் ஸ்டார் அமிதாப்பச்சன் சந்தித்துள்ளார்.
[ Saturday, 20-12-2014 06:53:25 GMT ]
இங்கிலாந்து அணித்தலைவர் பதவியில் இருந்து குக் நீக்கப்பட்டதாக தகவல்கள் வெளியாகியுள்ளது.
[ Saturday, 20-12-2014 03:12:19 GMT ]
சோனி நிறுவனம் அறிமுகம் செய்யவுள்ள Sony Xperia Z4 ஸ்மார்ட் கைப்பேசி தொடர்பான பல தகவல்கள் வெளியிடப்பட்டிருந்த நிலையில் தற்போது புகைப்படம் உட்பட மேலதிக தகவல்களும் வெளியாகியுள்ளன.
[ Saturday, 20-12-2014 00:07:48 GMT ]
ஷங்கர் இயக்கத்தில் விக்ரம் நடிப்பில் ஆவலுடன் எதிர்ப்பார்த்து கொண்டிருக்கும் படம் தான் ஐ.
Advertisements
நாளாந்தம் மின்னஞ்சலில் செய்திகளை பெற
[ Thursday, 18-12-2014 14:45:16 ] []
இலங்கையில் 2015ம் ஆண்டு ஜனவரி மாதம் நடைபெறவுள்ள ஜனாதிபதித் தேர்தல் தொடர்பான பிரச்சாரங்கள் தற்போது சூடுபிடித்துள்ளன.