செய்தி
தமிழகத்தில் தரையிறக்கப்படும் சிங்கள உளவாளிகள்!
[ செவ்வாய்க்கிழமை, 02 ஏப்ரல் 2013, 11:42.47 PM GMT ]
தமிழக மக்களது தமிழீழம் சார்ந்த உணர்வினையும், எழுச்சியினையும் முறியடிப்பதற்கு சிங்கள ஆட்சியாளர்கள் தம்மால் பயிற்றுவிக்கப்பட்ட பல தமிழ் உளவாளிகளை இராமேஸ்வரம் ஊடாக தமிழகத்தில் தரையிறக்கி வருகின்றது.

தமிழீழ மக்களுக்கு நியாயம் கிடைக்க வேண்டும்.

அவர்கள் மீது இனப் படுகொலை புரிந்த சிங்கள ஆட்சியாளர்கள் அனைத்துலக விசாரணைக் குழுவால் விசாரிக்கப்பட்டு, போர்க் குற்றவாளிகளுக்குத் தண்டனை வழங்க வேண்டும்.

தமிழீழ மக்களுக்கு நிரந்தரத் தீர்வு வழங்குவதற்கான வழிமுறைகள் குறித்து அவர்கள் மத்தியில் பொது வாக்கெடுப்பு நடாத்த வேண்டும்

என்ற முதன்மைக் கோரிக்கைகளுடன் தொடரும் தமிழக மாணவாகளது போராட்டம் இந்திய காங்கிரஸ் ஆட்சியாளர்களை மட்டுமல்ல, சிங்கள ஆட்சியாளர்களையும் அச்சத்தில் ஆழ்த்தியுள்ளது.

தமிழக மாணவர்களது உறுதியான, அர்ப்பணிப்பு மிக்க போராட்டங்கள் தமிழக மக்கள் மத்தியில் தமிழீழம் குறித்த விழிப்புணர்ச்சியினை உச்ச நிலைக்கு உயர்த்தியுள்ளது.

தமிழக மாணவர்களது போராட்டத்திற்கு ஆதரவாக, பல்வேறு தளங்களிலும் போராட்டங்கள் பெருகி வருகின்றன.

தமிழகத்தின் குக் கிராமங்களுக்கும் இந்தப் போராட்டம் விரிந்து செல்கின்றது.

இன்று, திரைப்பட நடிகர் - நடிகைகளையும் இந்தப் போராட்டம் களத்தில் இறக்கியுள்ளது.

தமிழினப் படுகொலையின் பங்காளிகளான காங்கிரஸ் கட்சி பலத்த நெருக்கடிகளை எதிர்கொண்டுள்ள நிலையில், கடந்த ஒன்பது வருடங்களாக காங்கிரஸ் ஆட்சியின் அத்தனை கொடூரங்களுக்கும் உறுதுணையாக உடன் இருந்த தி.மு.க.வும் காங்கிரஸ் கூட்டணியிலிருந்து வெளியேறியுள்ளது.

தமிழீழம் விடுதலை பெறாதுவிடின் தமிழகம் அமைதி கொள்ளாது என்பது நிச்சயமான நிலையில், இந்திய - சிங்கள ஆட்சியாளர்கள் அதனை முறியடிப்பதற்கான அத்தனை முயற்சியிலும் ஈடுபட்டுள்ளார்கள்.

தமிழக மக்களது தமிழீழம் சார்ந்த உணர்வினையும், எழுச்சியினையும் முறியடிப்பதற்கு சிங்கள ஆட்சியாளர்கள் தம்மால் பயிற்றுவிக்கப்பட்ட பல தமிழ் உளவாளிகளை இராமேஸ்வரம் ஊடாக தமிழகத்தில் தரையிறக்கி வருகின்றது.

தமிழகத்தில், கடந்த சில நாட்களாக இந்த இளைஞர்கள் அகதி என்ற போர்வையில் தமிழ் நாட்டினை வந்தடைந்துள்ளனர்.

இவர்களில் பெரும்பாலானோர் கிழக்கு மாகாண வட்டாரத் தமிழ் பேசுவதையும் இவர்கள் வழங்கிய தொலைக்காட்சி நேர்காணலில் நன்றாகப் புரிந்து கொள்ள முடிகின்றது.

தமிழக மக்களது போராட்டங்கள் இலங்கைத் தமிழர்களுக்கு பாதகமான பல விளைவுகளை ஏற்படுத்தி வருவதாக இவர்களில் ஒருவர் தெரிவித்துள்ளார்.

பெரும்பாலும், இவர்கள் சிங்கள இராணுவ உளவுப் பிரிவால் ஏதோ தீய நோக்கத்திற்காகவே அனுப்பி வைக்கப்பட்டுள்ளார்கள் என்றே நம்பப்படுகின்றது.

மிகப் பெரிய திட்டமிடலுடன் சிங்கள அரசால் தமிழகத்தில் களம் இறக்கப்பட்டுள்ள தமிழ் இளைஞர்கள் குறித்து தமிழக மக்கள் மிகவும் எச்சரிக்கையாக இருக்க வேண்டும்.

சிங்கள அரசின் இந்தச் சதி முயற்சிக்கு இந்திய காங்கிரஸ் ஆட்சியாளர்களும் உடந்தையாக இருக்கும் பட்சத்தில், தமிழகத்தில் தமிழ் மக்களைக் குழப்பும் வகையிலான வன்முறைச் சம்பவங்கள் இவர்களால் தோற்றுவிக்கப்படலாம்.

அல்லது, அமைதியான மாணவர் போராட்டங்களில் குழப்பங்களையும் வன்முறைகளையும் தோற்றுவிக்க முயலலாம்.

அதனைச் சாட்டாக வைத்து, மாணவர் போராட்டங்களைத் தடை செய்வதற்கு முயற்சி செய்யலாம்.

இது வெறும் ஊகங்களின் அடிப்படையிலான சந்தேகங்கள் அல்ல. தமிழ் மக்களை அடக்குவதற்கு சிங்கள - இந்திய ஆட்சியாளர்கள் எதையும் செய்வார்கள் என்பதை நாம் கடந்து வந்த பாதை நன்றாகவே கற்றுத் தந்துள்ளது.

தேசியத் தலைவர் அவர்களது காலடியிலேயே கருணா என்ற கருநாகத்தை உருவாக்கிய சிங்கள ஆட்சியாளர்கள் தமிழகத்தில் நடைபெறும் தமிழீழ விடுதலைப் போராட்டத்தைப் பார்வையாளராக நின்று ரசிக்கப் போவதில்லை.

புலம்பெயர் தமிழர்களது மீள் எழுச்சியை நிர்மூலம் ஆக்கும் சிங்கள முயற்சியில் பிரான்சின் தமிழ்த் தேசிய செயற்பாட்டாளர் பரிதி சுட்டுக் கொல்லப்பட்டதையும் நாம் மறந்துவிடக் கூடாது.

ஒன்றரை இலட்சம் தமிழ் மக்களை இனப் படுகொலை செய்து பெற்ற வெற்றி கைநழுவிப் போவதற்கு சிங்கள தேசம் அவ்வளவு இலகுவில் விட்டுவிடாது.

சிங்களத்தின் அத்தனை கொடூரங்களுக்கும் பக்கத் துணையாக இருந்து வரும் காங்கிரஸ் ஆட்சியாளர்களும் உச்சத்தைத் தொட்டுவரும் தமிழக மாணவர்கள் போராட்டத்தைத் தொடர அனுமதிப்பார்கள் என்று எதிர்பார்க்க முடியாது.

நட்பு நாடு என்ற ஒரே தகமைக்காக 600 தமிழக மீனவர்களைப் பலி கொள்ளவும், ஆயிரக்கணக்கான தமிழக மீனவர்கள் வதை படவும் அனுமதிக்கும் இந்திய காங்கிரஸ் ஆட்சியாளர்கள், தமிழகத்தின் உள்ளேயும் சிங்களக் கொடூரங்களை அனுமதிக்க மாட்டார்கள் என்று நம்ப முடியாது.

ஏனென்றால், காங்கிரஸ் கட்சிக்கு தமிழகத்தில் தமிழக மக்களால் புதைகுழி வெட்டப்படுகின்றது என்பதை அவர்கள் நன்றாகவே புரிந்துகொண்டுள்ளார்கள்.

- இசைப்பிரியா

தொடர்புபட்ட செய்தி:  மீண்டும் இலங்கையில் இருந்து அகதிகள் வருகை!- இராமேஸ்வரத்தில் விசாரணை

Content of Popup
உங்கள் கருத்தை பதிவு செய்ய
பிந்திய 5 செய்திகள்
[ Friday, 31-10-2014, 02:13.56 PM ]
கொஸ்லாந்த, மீரியபெத்த பிரதேசத்தில் நிலச்சரிவு ஏற்பட்ட பகுதிக்கு எதிர்க்கட்சித் தலைவர் ரணில் விக்ரமசிங்க உள்ளிட்டோர் இன்று விஜயம் மேற்கொண்டனர்.
[ Friday, 31-10-2014, 01:46.17 PM ]
கொஸ்லாந்த பிரதேசத்தில் மண்சரிவால் பாதிக்கப்பட்ட 217 குடும்பங்களைச் சேர்ந்த 788 பேர் மக்கள் பூணாகலை தமிழ் மகா வித்தியாயலயத்தில் ஆறு மண்டபங்களில் தங்க வைக்கப்பட்டுள்ளனர்.
[ Friday, 31-10-2014, 01:17.32 PM ]
இலங்கைக்கான 5 புதிய வெளிநாட்டுத் தூதுவர்கள் தமது நியமன தகுதிச் சான்றிதழை ஜனாதிபதி மகிந்த ராஜபக்ஷவிடம் நேற்று கையளித்தனர்.
[ Friday, 31-10-2014, 12:54.17 PM ]
இலங்கைத் தீவின் பதுளை மாவட்டத்தில் கொஸ்லாந்த பகுதியில் அமைந்துள்ள மீரியபெத்த தோட்டக் கிராமத்தில் இடம்பெற்ற பாரிய நிலச் சரிவில் சிக்கி, 300க்கும் அதிகமான மக்கள் உயிரிழந்திருக்கலாம் என்ற செய்தி எம்மைப் பெரும் வேதனைக்கு உள்ளாக்கியிருக்கிறது என நா.க.த அரசாங்கத்தின் பிரதமர் வி.ருத்ரகுமாரன் தெரிவித்துள்ளார்.

[ Friday, 31-10-2014, 12:51.15 PM ]
ஐரோப்பிய ஒன்றிய நாடுகளில் விடுதலைப் புலிகளுக்கு விதிக்கப்பட்டிருந்த தடைநீக்கம் தொடர்பாக இலங்கையுடன் நெருக்கமான நாடுகள் மற்றும் அமைப்புகளுடன் இணைந்து வேலைத்திட்டம் ஒன்றை செயற்படுத்த உள்ளதாக ஊடகம் மற்றும் செய்தி துறை அமைச்சர் கெஹெலிய ரம்புக்வெல்ல தெரிவித்துள்ளார்.
[ Friday, 31-10-2014 12:34:42 GMT ]
யாஸிதி இனத்தை சேர்ந்த 19 வயது சிறுமி ஒருவர் தான் ஐ.எஸ்.ஐ.எஸ் தீவிரவாதிகளால் சந்தித்த கொடுமைகளை பற்றி அளித்த பேட்டி அதிர்வலைகளை ஏற்படுத்தியுள்ளது.
[ Friday, 31-10-2014 11:52:07 GMT ]
இந்தியாவில் முதன்முறையாக கருவில் இருக்கும் குழந்தைக்கு அறுவை சிகிச்சை செய்து மருத்துவர்கள் சாதனை புரிந்துள்ளனர்.
[ Friday, 31-10-2014 07:50:14 GMT ]
இலங்கை அணியின் நட்சத்திர வீரர் சங்கக்காரா இந்தியாவுடனான ஒரு போட்டியில் விசித்திரமாக ஆட்டமிழக்க இலங்கை அணி தோல்வியை தழுவியது.
[ Friday, 31-10-2014 12:08:57 GMT ]
உடல் உறுப்புகளைப் போலவே இரத்தத்தில் உள்ள இரத்தத் தட்டுக்களின் அளவை பராமரிப்பது மிகவும் முக்கியமானது.
[ Thursday, 30-10-2014 08:25:48 GMT ]
மன்மதன் பாஸ்கி மற்றும் பலர் நடிப்பில் உருவாகி வெளியாகியிருக்கும் காமெடி படைப்பு ஊக்குவிப்பு.
Advertisements
நாளாந்தம் மின்னஞ்சலில் செய்திகளை பெற
[ Friday, 31-10-2014 02:47:48 ]
இந்திய சுதந்திர தினக் கொண்டாட்டம் அண்மையில் கொழும்பில் நடைபெற்றபோது தான் இந்தியா புதிதாக நியமித்துள்ள பாதுகாப்பு அதிகாரி பற்றிய செய்தியொன்று ஊடகங்கள் மத்தியில் வெளிச்சத்துக்கு வந்தன.