செய்தி
ரிசானாவின் மரணதண்டனை சம்பந்தமாக முஸ்லிம் தலைவர்கள் எதை சொல்கிறார்கள்? பிரபா கணேசன்
[ திங்கட்கிழமை, 21 சனவரி 2013, 11:25.38 AM GMT ]
ரிசானா நபீக் சவுதி அரேபியாவில் சிரச்சேதம் செய்யப்பட்டது சம்பந்தமாக இந்நாட்டிலுள்ள முஸ்லிம் தலைவர்கள் நடந்து கொள்ளும் விதத்தைப் பார்க்கும் பொழுது வியப்பாகவும் கேவலமாகவும் உள்ளது என ஜனநாயக மக்கள் காங்கிரஸ் தலைவரும் கொழும்பு மாவட்ட நாடாளுமன்ற உறுப்பினருமான பிரபா கணேசன் தெரிவித்துள்ளார்.

மேலும் அவர் தெரிவித்ததாவது,

ரிசானா நபீக் குறைந்த வயதிலே வெளிநாட்டிற்கு வேலைக்கு அனுப்பி வைக்கப்பட்டது சம்பந்தமாக அனுப்பி வைத்த முகவர் கைது செய்யப்பட்டுள்ளார்.

ரிசானாவுக்கு நிறைவேற்றப்பட்ட மரணதண்டனை சம்பந்தமாக மனிதாபிமான முறையில் இவரது பெற்றோர்களுக்கும் உடன் பிறந்தோர்களுக்கும் எனது ஆழ்ந்த அனுதாபங்களை தெரிவித்துக் கொள்கின்றேன்.

இருப்பினும் இவரது இந்த நிலைக்கு காரணமாக அனுப்பி வைத்த முகவரை மட்டும் நான் பார்க்கவில்லை. மாறாக இவரது பெற்றோர்களும் இதற்கு பொறுப்பு கூற வேண்டும்.

போலியான வயதை காட்டி இவரை வெளிநாட்டிற்கு வேலைக்கு அனுப்பி வைத்து அவர் மூலமான வருமானத்தை பெற முற்பட்ட பெற்றோர்களுக்கும் தண்டனை வழங்கப்பட வேண்டும்.

அதன் மூலமாகவே வெளிநாட்டிற்கு பெண்களை வேலைக்கு அனுப்பி வைத்து அதன் மூலம் சுகபோகமடையும் கணவன்மார்களுக்கு பெற்றோர்களுக்கும் தகுந்த பாடத்தை உணர்த்தலாம்.

இது இப்படியிருக்க சவுதி அரேபியாவில் மரணதண்டனை நிறைவேற்றப்பட்ட பெண் முஸ்லிம் அல்லாது சிங்களப் பெண்ணாக இருந்திருந்தால் இன்று இந்நாட்டில் முஸ்லிம்களுக்கு எதிராக பாரிய தாக்குதல் நடத்தப்பட்டிருக்கும் என சம்பவங்களுக்காக அறிக்கை விடுபவர்கள் இந்நாட்டில் ஐக்கியமாக வாழ்ந்து கொண்டிருக்கும் சிங்கள முஸ்லிம் மக்கள் மத்தியிலே பிளவுகளை ஏற்படுத்தி அரசியல் விளம்பரம் தேடிக்கொள்ளப் பார்க்கிறார்கள்.

இருப்பினும் இவ்விடயம் சம்பந்தமாக முஸ்லிம் தலைவர்கள் எடுத்துக்கொண்ட நடவடிக்கை என்ன? ரிசானாவுக்கு அமெரிக்கா அல்லது ஏனைய மேற்குல நாடுகள் மூலமாக மரணதண்டனை நிறைவேற்றப்பட்டிருந்தால் வெள்ளிக்கிழமை நாளில் மேற்குலக நாடுகளின் தூதரங்கள் பயந்து ஓடும் அளவிற்கு பல விதமான போராட்டங்களை அரசாங்கத்திலிருக்கும் முஸ்லிம் தலவர்களும் எதிர்க்கட்சியிலிருக்கும் முஸ்லிம் தலைவர்களும் ஒன்றிணைந்து கொழும்பு நகரத்தை ஸ்தம்பிதம் அடையும் அளவிற்கு கொண்டு சென்றிருப்பார்கள்.

ஆனால் நிறைவேற்றப்பட்ட மரணதண்டனை முஸ்லிம் நாடான சவுதி அரேபியாவில் இடம்பெற்றதனால் இன்று வாய் மூடி மௌனித்திருப்பது ஏன்? சவுதி அரேபியா தூதரகத்தின் முன் இவர்களால் ஏன் ஒரு ஆர்ப்பாட்டத்தினையாவது நடத்த முடியவில்லை.

இனி எதிர்காலத்தில் முஸ்லிம் தலைவர்கள் நடத்தும் ஆர்ப்பாட்டத்தில் நம்பகத்தன்மை உள்ளதா என தெரிந்து கொண்டு அதற்கு முஸ்லிம் மக்கள் துணை போக வேண்டும்.

இன மத பேதமின்றி அநீதி எங்கு நடக்கின்றதோ அது எந்த நாடாக இருந்தாலும் அதற்கெதிராக நேர்மையான முறையிலே குரல் கொடுக்க வேண்டும் என்பதே எனது இந்த அறிக்கையின் நோக்கமாகும்.

Content of Popup
உங்கள் கருத்தை பதிவு செய்ய
பிந்திய 5 செய்திகள்
[ Friday, 19-12-2014, 04:04.03 AM ]

பொது எதிரணி கூட்டணிக்கு,  தமிழ் தேசிய கூட்டமைப்புடன் இரகசிய  ஒப்பந்த கூட்டு இருக்கின்றது என்று அரசாங்கம் சொல்லித்திரிகிறது.

[ Friday, 19-12-2014, 03:57.08 AM ]
எதிர்வரும் ஜனாதிபதி தேர்தலில் வடக்குகிழக்கின் தமிழ் மக்கள் தமது சொந்த விருப்பத்தில் வாக்களிக்க இடம் தரப்படவேண்டும் என்று தமிழர் விடுதலைக்கூட்டணி கோரியுள்ளது.
[ Friday, 19-12-2014, 03:52.23 AM ]
கடந்த வெள்ளிக்கிழமை அத்துருகிரிய பகுதியில் அன்ரனோவ் ஏ-32 விமானம் வீழ்ந்தபோது காயங்களுக்கு உள்ளாகி சிகிச்சை பெற்று வந்த விமானப்படை வீரரும் சிகிச்சை பலனின்றி உயிரிழந்தார்.
[ Friday, 19-12-2014, 03:40.38 AM ]
மைத்திரிபாலவின் புதிய அரசாங்கத்தின் கீழ், பெற்றோல் மற்றும் டீசல் மீது விதிக்கப்பட்டுள்ள வரிகள் நீக்கப்படும் என்று நாடாளுமன்ற உறுப்பினர் சம்பிக்க ரணவக்க தெரிவித்துள்ளார்.
[ Friday, 19-12-2014, 03:00.12 AM ]

கடந்த புதன்கிழமையன்று காலியில் பொதுவேட்பாளர் மைத்திபால சிறிசேனவின் பிரசார மேடை மீது தாக்குதல் நடத்தப்பட்டமைக்கு காலி மாவட்ட ஆளும் கட்சி நாடாளுமன்ற உறுப்பின் நிசாந்த முத்துஹெட்டிகமவே பொறுப்பு என்று நாடாளுமன்ற உறுப்பினர் ராஜித சேனாரத்ன குற்றம் சுமத்தியுள்ளார்.

[ Thursday, 18-12-2014 13:07:22 GMT ]
ஐ.எஸ். ஐ.எஸ் தீவிரவாதிகளால் கொல்லப்பட்ட 230 பேரின் உடல்களும் ஒரே இடத்தில் புதைக்கப்பட்டிருப்பதை, அங்குள்ள கண்காணிப்புக்குழு கண்டறிந்துள்ளது.
[ Thursday, 18-12-2014 13:04:07 GMT ]
மும்பை தாக்குதலுக்கு மூளையாகச் செயல்பட்ட லஷ்கர் இ தொய்பா அமைப்பின் கமாண்டர் ஜாகிர் உர் ரஹ்மான் லாக்விக்கு ஜாமீன் வழங்கி பாகிஸ்தானின் தீவிரவாத தடுப்பு நீதிமன்றம் தீர்ப்பு வழங்கியுள்ளது.
[ Friday, 19-12-2014 01:48:02 GMT ]
சுற்றுலா மேற்கிந்திய தீவுகள் அணிக்கும் தென் ஆப்பிரிக்கா அணிக்கும் இடையிலான முதலாவது டெஸ்ட் போட் செஞ்சூரியனில் நடைபெற்று வருகிறது.
[ Thursday, 18-12-2014 12:25:14 GMT ]
சித்த மருத்துவத்தில் நோயை குணப்படுத்த பயன்படுத்தக் கூடிய பல வகையான மூலிகை சாறுகளை வீட்டிலேயே எளிதாக தயாரிக்கலாம்.
[ Thursday, 18-12-2014 08:35:37 GMT ]
சிபிராஜ் நடிப்பில் சமீபத்தில் வெளியான நாய்கள் ஜாக்கிரதை படம் வர்த்தக ரீதியில் பெரிய வெற்றிபெற்றது.
Advertisements
நாளாந்தம் மின்னஞ்சலில் செய்திகளை பெற
[ Thursday, 18-12-2014 06:00:54 ]
இலங்கையில் மிகவும் சூடு பிடித்துள்ள தேர்தல் களமானது இலங்கை வரலாற்றில் 70 வருடங்களுக்கு முன்பு நடந்த நல்லாட்சியை உருவாக்குவதற்காக ஒருவருக்கும் ஆசியாவின் அதிசயமிக்க நாடாக மாற்றியுள்ளதாக சொல்லும் அதிபருக்கும் இடையில் நடக்கும் இந்த தேர்தல் போர் முற்றிலும் தம் இனம் சார்ந்த நடவடிக்கைகளுக்காக மட்டுமே.