செய்தி
பிரதம நீதியரசருக்கு எதிரான குற்றப் பிரேரணை பாராளுமன்ற தெரிவுக்குழு நியமனம்
[ செவ்வாய்க்கிழமை, 13 நவம்பர் 2012, 11:47.48 PM GMT ]
பிரதம நீதியரசர் சிராணி பண்டாரநாயக்கவுக்கு எதிரான குற்றப் பிரேரணையை விசாரணை செய்வதற்காக சபாநாயகர் சமல் ராஜபக்‌ஷ நாளை பாராளுமன்றத் தெரிவுக்குழுவை நியமிப்பார் என்று பிரதி சபாநாயகர் சந்திம வீரக்கொடி தெரிவித்தார்.

இத்தெரிவுக் குழுவுக்கான தலைவரும் சபாநாயகரினால் நியமிக்கப்படுவார் என்றும் அவர் குறிப்பிட்டார். பிரதம நீதியரசர் சிராணி பண்டாரநாயக்கவுக்கு எதிராக 117 ஆளும் தரப்பு எம்.பி.க்களின் கையொப்பத்துடன் கூடிய குற்றப் பிரேரணை சபாநாயகரிடம் கையளிக்கப்பட்டது.

இதனை விசாரிப்பதற்காக 11 பேர் கொண்ட குழு நியமிக்கப்பட உள்ளதோடு, இதற்காக ஆளும் தரப்பு சார்பாக 7 பேரின் பெயரும், எதிர்த்தரப்பு சார்பாக 4 பேரின் பெயரும் சிபாரிசு செய்யப்பட்டுள்ளது.

இவர்களின் விபரங்கள் பாராளுமன்ற செயலாளர் நாயகத்திற்கு வழங்கப்பட்டுள்ளதாகவும் பிரதி சபாநாயகர் கூறினார்.

பாராளுமன்றம் நாளை காலை 9.30 மணிக்கு கூடும்போது பிரதம நீதியரசருக்கு எதிரான குற்றப்பிரேரணையை விசாரணை செய்ய தெரிவுக்குழு நியமிப்பது குறித்து சபாநாயகர் விசேட அறிவித்தல் ஒன்றை வெளியிட உள்ளார் எனவும் அவர் கூறினார்.

மேற்படி தெரிவுக்குழுவுக்கு ஆளும் தரப்பு சார்பாக அமைச்சர்களான நிமல் ஸ்ரீபால டி சில்வா, அநுர பிரியதர்சன யாப்பா, சுசில் பிரேம் ஜெயந்த், டொக்டர் ராஜித சேனாரத்ன, விமல் வீரவங்ச, டிலான் பெரேரா மற்றும் பிரதி அமைச்சர் நியோமால் பெரேரா ஆகியோர் நியமிக்கப்பட்டுள்ளனர். எதிர்த்தரப்பு சார்பாக எம்.பி.க்களான ஜோன் அமரதுங்க, லக்ஷ்மன் கிரியெல்ல, விஜித ஹேரத், ஆர். சம்பந்தன் ஆகியோர் நியமிக்கப்பட்டுள்ளனர்.

சபாநாயகரினால் நாளை நியமிக்கப்படவுள்ள இந்த பாராளுமன்றத் தெரிவுக்குழு ஒருமாத காலத்தில் தனது விசாரணை அறிக்கையை சபாநாயகரிடம் சமர்ப்பிக்க உள்ளதாகவும் பிரதி சபாநாயகர் கூறினார்.

தெரிவுக்குழுவிற்கான தலைவர் நாளை நியமிக்கப்பட்ட பின்னர், அதே தினத்தில் இருந்து தெரிவுக்குழு கூட முடியும் எனவும், அது குறித்து தெரிவுக்குழுத் தலைவர் தீர்மானிப்பார் எனவும் பிரதி சபாநாயகர் தெரிவித்தார். பாராளுமன்றத்தில் 2013 ஆம் ஆண்டிற்கான வரவு செலவுத் திட்ட விவாதம் நடைபெறுகிற போதும், தெரிவுக்குழுவின் செயற்பாடுகளுக்கு இதனால் எதுவித தடங்கலும் எழாது எனவும், தெரிவுக்குழு விசாரணைகள் புறம்பாகவே இடம்பெறும் என்றும் அவர் குறிப்பிட்டார்.

இத் தெரிவுக்குழுவின் இறுதி அறிக்கை இறுதியாக பாராளுமன்றத்தினூடாக ஜனாதிபதிக்கு கையளிக்கப்படும். பிரதம நீதியரசர் தொடர்பில் ஜனாதிபதியாலே இறுதி முடிவு எடுக்கப்படும் என்பது குறிப்பிடத்தக்கது.

Content of Popup
பிந்திய 5 செய்திகள்
[ Sunday, 21-12-2014, 11:34.38 AM ]
யுத்தத்திற்குப் பின்னர் வடபகுதி முன்னேற்றம் மற்றும் அபிவிருத்தி குறித்து மகிழ்ச்சி வெளியிட்டார் இயக்குனர் இமையம்.
[ Sunday, 21-12-2014, 11:33.43 AM ]
எதிரணியின் பொது வேட்பாளர் மைத்திரிபால சிறிசேனவிற்கு ஆதரவு வழங்குவதற்கான மலையக மக்கள் முன்னணியின் தலைவர்களிடம் ஒரு செயற்குழு சட்டம் ஒன்று இன்று ஹட்டனில் இடம்பெற்றது.
[ Sunday, 21-12-2014, 11:10.02 AM ]

அரசாங்கத்தின் சில அமைச்சர்களுக்கு எத்தனோல் மதுசார அனுமதிப் பத்திரங்கள் இருப்பதாக பொது வேட்பாளர் மைத்திரிபால சிறிசேன தெரிவித்துள்ளார்.

[ Sunday, 21-12-2014, 11:07.29 AM ]

கிழக்கு மாகாண மக்களுக்கு தேவையான அனைத்தையும் பெற்றுக்கொடுத்ததாகவும் கிழக்கு மாகாணத்திற்கு பில்லியன் கணக்கல் பணத்தை ஒதுக்கீடு செய்ததாகவும் ஜனாதிபதி மகிந்த ராஜபக்ஷ தெரிவித்துள்ளார்.

[ Sunday, 21-12-2014, 10:48.58 AM ]
மட்டக்களப்பில் ஜனாதிபதி மகிந்த ராஜபக்ஷ நேற்று முன்தினம் கலந்து கொண்ட பொதுக் கூட்டத்திற்கு வந்த கெவிலியாமடு கிராமத்தை சேர்ந்த மக்களை பொலிஸார் கொடூரமாக தாக்கியுள்ளனர்.
[ Sunday, 21-12-2014 07:15:09 GMT ]
கடந்த வாரம் நடைபெற்ற சம்பவங்களின் புகைப்பட தொகுப்புகள் இதோ,
[ Sunday, 21-12-2014 05:53:10 GMT ]
ஆந்திரா மாநிலத்தில் திருமணம் செய்து கொள்வதாக கூறி ஏமாற்றிய விரிவுரையாளர் மீது கல்லூரி மாணவி ஆசிட் வீசிய சம்பவம் பரபரப்பை ஏற்படுத்தியுள்ளது.
[ Sunday, 21-12-2014 07:37:34 GMT ]
ஷிகர் தவானுக்கு ஏற்பட்ட காயத்தால், முன்னதாக களமிறக்கப்பட்டதால் கோஹ்லி கடும் கோபமடைந்துள்ளார்.
[ Sunday, 21-12-2014 08:27:37 GMT ]
பூமிக்கடியில் விளையும் காய்கறிகள் ஏராளமான மருத்துவ பலன்களை தருகிறது.
[ Saturday, 20-12-2014 23:46:49 GMT ]
லோககந்தன் அவர்களின் இயக்கத்தில் வனக்சன், செறில், தர்ஷன், கவிதாயினி மற்றும் பலர் நடித்திருக்கும் பாடல் வருவாயா பெண்ணே.
Advertisements
நாளாந்தம் மின்னஞ்சலில் செய்திகளை பெற
[ Sunday, 21-12-2014 03:06:35 ]
ஜனாதிபதித் தேர்தலுக்கு இன்னமும், மூன்று வாரங்கள் கூட இல்லாத நிலையில், ஜனநாயக ரீதியான தேர்தலை விரும்புவோருக்கு உள்ளூர கலக்கம் அதிகரித்து வருகிறது. இந்தத் தேர்தல் நியாயமாக நடத்தப்படுமா என்பதே அந்தக் கலக்கத்துக்கான காரணம்.