செய்தி
(2ம் இணைப்பு)
Photo
யாழ் பல்கலைக்கழகத்தில் வன்முறை - மாணவர்கள் மீது இராணுவம் காட்டுமிராண்டித்தனமான தாக்குதல், 7 மாணவர்கள் வைத்தியசாலையில் அனுமதி
[ புதன்கிழமை, 28 நவம்பர் 2012, 07:42.07 AM GMT ]

மாவீரர் நாளான நேற்று யாழ்.பல்கலைக்கழக வளாகத்திற்குள்ளும், மாணவர் விடுதிக்குள்ளும் படையினர் அத்துமீறி நுழைந்தமையினை எதிர்த்து ஆர்ப்பாட்டத்தில் ஈடுபட்டிருந்த யாழ். பல்கலை மாணவர்கள் மீது படையினரும், பொலிஸாரும் இணைந்து காட்டுமிராண்டித்தனமான தாக்குதல் நடத்தியுள்ளனர்.

இன்று காலை 11மணியளவில் மேற்குறித்த விடயம் தொடர்பில் பல்கலைக்கழக மாணவர்கள் தங்கள் வாய்களை கறுப்பு பட்டியால் கட்டிக்கொண்டு, இராணுவத்தின் அராஜகப் போக்கினை எதிர்த்து ஆர்ப்பாட்டத்தில் ஈடுபட்டிருந்தனர்.

இதனைத் தொடர்ந்து, குறித்த போராட்டத்தை வீதிக்கு கொண்டுவந்து நடத்த முற்பட்டபோது அங்கு ஏற்கனவே குவிக்கப்பட்டிருந்த பெருமளவு படையினரும், பொலிஸாரும் திடீரென மாணவர்கள் மீது தடி, இறப்பர் வயர், கம்பிகள் போன்றவற்றால் சுற்றிவளைத்து, தாக்குதல் நடத்தினர்.

இதில் நிலைகுலைந்த மாணவர்கள் பெருமளவானோர் வளாகத்திற்குள் ஓடி விட, சிலரை வீதியில் போட்டு காட்டுமிராண்டித்தனமாக தாக்கினர். இதன் பின்னர் 4 மாணவர்கள் கைது செய்யப்பட்டனர்.

மேலும் பல மாணவர்கள் படுகாயமடைந்தனர். இந்நிலையில் சுமார் ஒருமணி நேரத்தின் பின்னர் அங்குவந்த பல்கலைக்கழக விரிவுரையாளர்கள் படையினருடனும், பொலிஸாருடனும் பேச்சுவார்த்தை நடத்தி மாணவர்களை மீட்டெடுத்துள்ளனர்.

இதேவேளை, மாணவர்கள் பல்கலைக்கழக வளாகத்திற்குள்ளிருந்து பொலிஸார் மீது மேற்கொண்ட கல்வீச்சு தாக்குதலில் ஒரு பொலிஸ் புலனாய்வாளர் காயமடைந்துள்ளார். இந்நிலையில் பல்கலைக்கழக சூழல் மித மிஞ்சிய இராணுவப் பிரசன்னத்தால், போர்க்களம் போல காட்சியளிக்கின்றது.

இதேவேளை சம்பவத்தின்போது குறித்த பகுதிக்கு வந்த கூட்டமைப்பு பாராளுமன்ற உறுப்பினர் ஈ.சரவணபவனின் வாகனத்தின் மீது இனந்தெரியாத நபர்கள் கல்வீச்சுத் தாக்குதல் நடத்தியுள்ளனர்.

மேலும் தற்போது பல்கலைக்கழக சூழலில் போக்குவரத்து தடைசெய்யப்பட்டுள்ளதுடன் தொடர்ந்தும் வளாகச்சூழில் இராணுவம் குவிக்கப்படும் நிலையில் மாணவர்கள் வளாகத்திற்குள் முடக்கப்பட்டிருக்கின்றனர்.

இரண்டாம் இணைப்பு

யாழ்ப்பாண பல்கலைக்கழக மாணவர்கள் இன்று நடத்திய ஆர்ப்பாட்டத்தின் போது பொலிஸாரினால் மேற்கொள்ளப்பட்ட தாக்குதலில் 7 மாணவர்கள் கடும் காயங்களுக்குள்ளாகி யாழ்ப்பாணம் போதனா வைத்தியசாலையில் அனுமதிக்கப்பட்டுள்ளனர்.

யாழ். பல்கலைக்கழகத்தினுள் தொடர்ந்து பதற்றமான சூழ்நிலை தொடர்வதாகவும் அப்பகுதியினூடாக பொது மக்கள் செல்ல அனுமதி மறுக்கப்பட்டுள்ளதாகவும் செய்திகள் வெளியாகியுள்ளன.

இந்த நிலையில் இராணுவத்தினரும் பொலிஸாரும் இணைந்து யாழ். பல்கலைக்கழக மாணவர்கள் மீது மேற்கொண்ட கண்மூடித்தனமான தாக்குதல்கள் மற்றும் அங்கு இடம்பெற்ற அட்டூழியங்கள் தொடருமானால் அது நாட்டுக்கு நல்லதல்ல என தமிழ்த் தேசிய கூட்டமைப்பின் பாராளுமன்ற உறுப்பினர் எம்.ஏ.சுமந்திரன் தெரிவித்துள்ளார்.

அதுமட்டுமல்லாது யாழ். பல்கலைக்கழகத்துக்குள் புகுந்த இராணுவத்தினர் பெண்களின் விடுதிகளின் கதவுகளை உடைத்து உட்புகுந்து கட்டில்களையும் அடித்து நொருக்கியுள்ளனர்.

இந்த மோசமான செயற்பாடுகளை அனுமதிக்க முடியாது என்று தமிழ்த் தேசிய கூட்டமைப்பின் பாராளுமன்ற உறுப்பினர் எம்.ஏ.சுமந்திரன் இன்று சபையில் தெரிவித்தார்.

இந்நாட்டில் சட்டம் என்பது ஒரு பாரதூரமான நிலைமைக்கு முகங்கொடுத்துக்கொண்டிருக்கிறது. நீதித் துறையின் சுயாதீனத் தன்மையானது பாதாளத்தை நோக்கிப் பயணித்துக்கொண்டிருக்கிறது என்றும் அவர் தெரிவித்துள்ளார்.

Content of Popup
உங்கள் கருத்தை பதிவு செய்ய
பிந்திய 5 செய்திகள்
[ Thursday, 18-12-2014, 07:08.48 AM ]
விடுதலைப் புலிகளுக்கு ஆயுதங்களை அனுப்பிய குமரன் பத்மநாதனை தம்முடன் வைத்திருக்கும் ராஜபக்ஷவினர் தம்மை தேசப்பற்றாளர்கள் எனக் கூறிக்கொள்வதாக நாடாளுமன்ற உறுப்பினர் ராஜித சேனாரத்ன தெரிவித்தார்.
[ Thursday, 18-12-2014, 07:02.51 AM ]
வருகின்ற ஜனாதிபதி தேர்தலை முன்னிட்டு ஐ.தே.கட்சியின் மட்டக்களப்பு மாவட்ட பிரதிநிதியாக கணபதிப்பிள்ளை மோகன் நியமிக்கப்பட்டுள்ளார்.
[ Thursday, 18-12-2014, 06:52.40 AM ]
வேட்பாளரின் அனுமதியின்றி அவரது முன்னைய கருத்துக்களை, மற்றைய வேட்பாளரின் பிரச்சாரத்துக்கு விளம்பரமாகப் பயன்படுத்த வேண்டாம் என தேர்தல்கள் ஆணையாளர் மஹிந்த தேசப்பிரிய ஊடகங்களுக்கு வேண்டுகோள் விடுத்துள்ளார்.
[ Thursday, 18-12-2014, 06:40.41 AM ]

முன்னாள் பிரதமரும் சிரேஷ்ட அமைச்சருமான ரட்ணசிறி விக்ரமநாயக்க நேற்று எதிர்க்கட்சித் தலைவர் ரணில் விக்ரமசிங்கவை சந்தித்துள்ளதாக ரெியவருகிறது.

[ Thursday, 18-12-2014, 06:37.08 AM ]
ஸ்ரீலங்கா முஸ்லிம் காங்­கி­ர­ஸுக்கும் சிரேஷ்ட அமைச்­சர்­க­ளுக்­கு­மி­டையில் நடை­பெற்ற பேச்­சு­வார்த்­தை­களில் முன்­னேற்றம் காணப்­பட்­டுள்­ள­தை­ய­டுத்து முஸ்லிம் காங்­கிரஸ் ஜனா­தி­பதி
தேர்­தலில் மஹிந்த ராஜபக்சவுக்கே ஆத­ரவு வழங்கும் சாத்­தியம் உரு­வா­கி­யுள்­ளது.
[ Thursday, 18-12-2014 07:08:25 GMT ]
சீனாவில் கணவனின் உயிரை காப்பாற்றுவதற்காக, பெற்ற மகளையே தாய் விற்க முயற்சித்த சம்பவம் பரபரப்பை ஏற்படுத்தியுள்ளது.
[ Thursday, 18-12-2014 06:42:18 GMT ]
சொத்து குவிப்பு வழக்கில் ஜெயலலிதா உள்ளிட்ட 4 பேரின் ஜாமீனை 4 மாதம் நீட்டித்து உச்சநீதிமன்றம் உத்தரவிட்டுள்ளது.
[ Thursday, 18-12-2014 00:07:14 GMT ]
ஒரு நாள் கிரிக்கெட் அரங்கிலிருந்து ஓய்வு பெறுவது குறித்து நான் இன்னமும் தீர்மானிக்கவில்லை என இலங்கை அணியின் சகலத்துறை வீரர் திலகரட்ன டில்சான் தெரிவித்தார்.
[ Thursday, 18-12-2014 00:26:30 GMT ]
கணனியில் இயங்குதளம் ஒன்றினை நிறுவிய பின்னர் அது முறையாகச் செயற்படுவதற்கு கிராபிக்ஸ், ஓடியோ, நெட்வேர்க் போன்ற ட்ரைவர் மென்பொருட்கள் நிறுவவேண்டியது அவசியமாகும்.
[ Wednesday, 17-12-2014 23:12:12 GMT ]
மழலையின் மனம் என்ற பாடலை இயக்கி, வரிகளை எழுதி வருகிறார் குருநீலன்.
Advertisements
நாளாந்தம் மின்னஞ்சலில் செய்திகளை பெற
[ Wednesday, 17-12-2014 05:22:38 ]
கடந்த வாரம் நாம் எழுதிய கட்டுரையில் நாம் ஒன்றை தெளிவாக குறிப்பிட்டிருந்தோம். ஜனநாயக முறையில் வாக்கு பலத்தை நாம் கட்டாயம் பிரயோசனப்படுத்த வேண்டும் என்று.