செய்தி
கிழக்குப் பல்கலை. மருத்துவபீடம் தொடர்பாக பா. அரியநேத்திரனின் கருத்துக்கு ஹிஸ்புல்லாஹ் கடும் கண்டனம்
[ வியாழக்கிழமை, 31 மே 2012, 12:52.46 PM GMT ]
கிழக்குப் பல்கலைக்கழகத்தின் மருத்துவ பயிற்சிப்பீடம் தொடர்பாக பா.உ அரியநேத்திரன் வெளியிட்ட செய்திக்கு பிரதியமைச்சர் எம்.எல்.ஏ.எம். ஹிஸ்புல்லாஹ் கடுமையான கண்டனம் வெளியிட்டுள்ளார்.

இது தொடர்பாக அவர் வெளியிட்டுள்ள ஊடக அறிக்கையில் குறிப்பிடப்பட்டுள்ளதாவது,

கிழக்குப் பல்கலைக்கழகத்தின் வைத்திய பீடத்தில் கற்கின்ற பயிற்சியாளர்களுக்கு இதுவரையில் அவர்களுக்கான வதிவிடபயிற்சிகள் வழங்கப்படவில்லை. அதன்மூலம் அந்த பல்கலைகழகத்தில் படிக்கின்ற மாணவர்கள் எதிர்காலத்தில் பலபிரச்சினைகளை எதிர் நோக்குவார்கள்.

எனவே இது தொடர்பாக மிகவிரைவில் கிழக்குப் பல்கலைகழகத்திலோ வைத்தியதுறையிலோ கல்விகற்கின்ற வைத்தியபீட மாணவர்கள் பயிற்சிக்காக அவர்களுக்கான வசதிகள் செய்யப்படவேண்டுமென உயர்கல்வி அமைச்சர் எஸ். பி. திசாநாயக்கவிடமும், உயர்கல்வி அமைச்சரின் செயலாளரிடமும் பல்கலைக்கழக மானியங்கள் ஆணைக்குழுவிடமும் பலதடவைகள் பேச்சுவார்த்தைகளில் ஈடுபட்டுள்ளேன்.

அதுமாத்திரமல்ல அவர்களுக்கான பயிற்சிகளை முழுமையாக வழங்குவதற்கான வசதிகள் மட்டக்களப்பு வைத்தியசாலையிலே தற்போது போதுமான கட்டிடவசதிகள் இல்லாத காரணத்தினால்தான் அந்த உள்ளக பயிற்சிநெறிகளை வழங்க முடியாதுள்ளதாக அங்கிருந்து தகவல் கிடைத்தது.

எனவே அவ்வாறான நிலையில் அந்தபயிற்சிகளில் ஒருசில பிரிவை தற்காலிகமாக காத்தான்குடி தள வைத்தியசாலையிலே அமைக்க முடியுமெனவும், இதற்குபோதுமான கட்டிடவசதிகள் இருப்பதாகவும் அதன் மூலம் மட்டக்களப்பு வைத்திசாலையோடு காத்தான்குடி வைத்தியசாலையும் இணைந்து, இதற்கான உள்ளக பயிற்சிகளை வழங்க முடியுமென்ற ஆலோசனையை பல்கலைக்கழக மானியங்கள் ஆணைக்குழுவுக்கு முன்வைத்துள்ளேன்.

அந்தஅடிப்படையில் தான் உயர்கல்வி அமைச்சு, தொடர்பாக சில ஆலோசனைகளையும் ஆராய்ச்சிகளையும் செய்ததே தவிர பாராளுமன்ற உறுப்பினர் அரியநேத்திரன் கூறியதைப்போல உள்ளக பயிற்சிகளை காத்தான்குடிக்கு முழுமையாக மாற்றுவதற்கான எந்தவொரு நடவடிக்கையும் மேற்கொள்ளப்படவில்லை.

இதுமுற்றுமுழுதான பொய்யானதொரு கூற்றாகும். இது மாத்திரமல்ல அதிலும் இன்னும் அவ்வாறு மாற்றுவதற்கான எந்தவொரு தீர்மானமும் எடுக்கப்படவில்லை. ஒருசில பயிற்சிகளை மாத்திரம் காத்தான்குடி தள வைத்தியசாலையில் மாற்றுவது தொடர்பான ஒரு ஆலோசனை மாத்திரமே முன் வைக்கப்பட்டது.

எனவே இவ்வாறு பாராளுமன்ற உறுப்பினர் அரியநேத்திரன், சமூக ரீதியிலும் இன ரீதியிலும் சிந்திப்பதை தவிர்த்துக் கொள்ள வேண்டும். கிழக்கு பல்கலைக்கழகத்தில் இருக்கின்ற பயிற்சிகளில் ஒருசில பயிற்சிகளை மாத்திரம் காத்தான்குடி தள வைத்தியசாலையில் மாற்றுவது எந்தவித பாதிப்பையும் ஏற்படுத்தபோவது இல்லை.

ஆனால் காத்தான்குடி தள வைத்தியசாலையும் மட்டக்களப்பு வைத்தியசாலையும் இணைந்ததாகவே செயற்படும். ஆகவே இவ்வாறு காத்தான்குடி வைத்தியசாலைக்கு இடம்
மாற்றுவது என்பது ஒரு முஸ்லிம்கள் செறிந்து வாழ்கின்ற பகுதிக்கு இடம் மாற்றுவது என்றால் மட்டக்களப்பு வைத்தியசாலையையும் ஒரு தமிழ் வைத்தியசாலையாக பாராளுமன்ற உறுப்பினர் அரியநேத்திரன் கருதுகின்றாரா?

எனவே மட்டக்களப்பில் காத்தான்குடியிலும் இருக்கும் வைத்தியசாலைகள், மட்டக்களப்பு மாவட்ட மக்களுக்கான வைத்தியசாலையே தவிர முஸ்லிம்கள், தமிழ் மக்கள் என்று மக்களை பிரித்து தொடர்ந்தும் இவ்வாறான இனவாத கீழ்த்தரமான அரசியல் செய்வதிலிருந்து பாராளுமன்ற உறுப்பினர் அரியநேத்திரன் முழுமையாக தன்னை விலக்கிக் கொள்ள வேண்டுமென்று இந்தசந்தர்ப்பத்திலே நான் கேட்டுக்கொள்ள விரும்புகின்றேன்.

நாங்கள் முப்பது வருடகால யுத்தத்தின் பின்னர் இனவாதத்தினை அழித்து ஜனாதிபதி தலைமையில் இன்று இனங்கழுக்கிடையில் ஒருபரஸ்பர உறவினை வளர்த்து வருகின்றோம்.

இந்த சூழ்நிலையில் கிழக்கு பல்கலைகழகத்தின் உடைய 6 பயிற்சிகளில் ஒரு பயிற்சியினை காத்தான்குடியில் அமைய வேண்டுமென கோருவதில் என்னதவறு இருக்கிறது. என்று அவ்வறிக்கையில் குறிப்பிடப்பட்டுள்ளது.

Content of Popup
பிந்திய 5 செய்திகள்
[ Saturday, 20-12-2014, 09:58.58 AM ]
ஜனாதிபதி தேர்தல் பிரசாரத்தின் ஒருகட்டமாக நேற்று மட்டக்களப்பு மாவட்டத்தில் நடைபெற்ற தேர்தல் பிரசாரக் கூட்டத்தில் கலந்து கொண்டவர்களுக்கு விநாயகர் உருவம் ஒருபுறமும் மறுபக்கத்தில மகிந்தவின் படமும் பிரசுரிக்கப்பட்டதானது இந்து மதத்தினை அவமதிக்கும் செயலாகும் என மட்டக்களப்பு பாராளுமன்ற உறுப்பினர் பா.அரியநேத்திரன் தனது கண்டணத்தினை தெரிவித்துள்ளார்.
[ Saturday, 20-12-2014, 09:49.47 AM ]
பொது வேட்பாளரான மைத்திரிபால சிறிசேன இன்று கலந்து கொள்ளவிருந்த கண்டி தெல்தெனிய மற்றும் நாவலப்பிட்டிய கூட்டங்களுக்கு இடையூறு விளைவிக்கப்பட்டுள்ளதாக நீதியானதும் சுதந்திரமானதுமான தேர்தலுக்கான மக்கள் இயக்கமான கபே தெரிவித்துள்ளது.
[ Saturday, 20-12-2014, 09:33.02 AM ]
ஜனாதிபதி மஹிந்த ராஜபக்ஷவின் குடும்ப உறுப்பினர்கள் மிகவும் சுகபோக வாழ்க்கை வாழ்ந்து வருவது குறித்து தற்போது அரசியல் மேடைகளில் பேசப்பட்டு வருகிறது.
[ Saturday, 20-12-2014, 08:51.13 AM ]
ஜனாதிபதித் தேர்தலில் வாக்காளர்கள் சுதந்திரமாக வாக்களிக்கும் உரிமையை உறுதிப்படுத்துமாறு அமெரிக்காவும் இந்தியாவும் அரசாங்கத்திடம் வேண்டுகோள் விடுத்துள்ளதாக ராஜதந்திர வட்டாரங்களில் இருந்து கிடைக்கும் தகவல்கள் தெரிவிக்கின்றன.
[ Saturday, 20-12-2014, 08:41.00 AM ]

யாழில் தமிழ்த் தேசியக் கூட்டமைப்பிற்கு எதிராக ஈ.பி.டி.பி கட்சியினர் நேற்றைய தினம் ஆர்ப்பாட்டப் பேரணியொன்றினை நடத்தியுள்ளனர்.

[ Saturday, 20-12-2014 07:34:26 GMT ]
சீனாவில் நபர் ஒருவர் பெண்ணின் உள்ளாடைகள் அணிந்து பேருந்தில் பயணித்த சம்பவம் ஆச்சரியத்தை ஏற்படுத்தியுள்ளது.
[ Saturday, 20-12-2014 06:18:58 GMT ]
பாரதீய ஜனதா தலைவர் அமித்ஷா முன்னிலையில் நடிகர் நெப்போலியன் பாஜக கட்சியில் இணைகிறார்.
[ Saturday, 20-12-2014 04:20:12 GMT ]
இந்தியாவுக்கு எதிரான 2-வது டெஸ்ட் கிரிக்கெட் போட்டியில் அவுஸ்திரேலிய அணி 4 விக்கெட் வித்தியாசத்தில் வெற்றி பெற்றது.
[ Saturday, 20-12-2014 03:12:19 GMT ]
சோனி நிறுவனம் அறிமுகம் செய்யவுள்ள Sony Xperia Z4 ஸ்மார்ட் கைப்பேசி தொடர்பான பல தகவல்கள் வெளியிடப்பட்டிருந்த நிலையில் தற்போது புகைப்படம் உட்பட மேலதிக தகவல்களும் வெளியாகியுள்ளன.
[ Saturday, 20-12-2014 00:07:48 GMT ]
ஷங்கர் இயக்கத்தில் விக்ரம் நடிப்பில் ஆவலுடன் எதிர்ப்பார்த்து கொண்டிருக்கும் படம் தான் ஐ.
Advertisements
நாளாந்தம் மின்னஞ்சலில் செய்திகளை பெற
[ Thursday, 18-12-2014 14:45:16 ] []
இலங்கையில் 2015ம் ஆண்டு ஜனவரி மாதம் நடைபெறவுள்ள ஜனாதிபதித் தேர்தல் தொடர்பான பிரச்சாரங்கள் தற்போது சூடுபிடித்துள்ளன.